Moeg? Nie lus vir kosmaak? Hier's die oplossing!

Ek was gisteraand niks lus vir kosmaak nie. Moeg na 'n langdag, maar vrek honger.

Hierdie resep is 'n ander variasie van die een in die Proe Pretville boek, maar die foto is vir die resep in die boek.

Ek het altyd Pita boodjies in my yskas. Wonderlike goed!

VINNIGE PRETVILLE PIZZA Lewer 4 porsies

3 e       olyfolie
2          pitabroodjies
½ k      geblikte tamatiepuree
4 e       uie marmelade
4 - 6     respies spek, in fyn repies gesny
4 e        pesto
4‒8      pikante rissies (Peppadews™), in repies gesny ’n handvol orego
200 g   mozzarellakaas, gerasper
sout en varsgemaalde swartpeper na smaak
  
1.   Voorverhit die oondrooster en voer ’n bakplaat met foelie uit. oor.
2.   Halveer die pitabroodjies sodat dit 4 sirkels is.
3.   Smeer die pitabroodjies met bietjie van die olyfolie en plaas bo-op die gevoerde bakplaat. Rooster vir 2 minute.
4.   Smeer die tamatiepuree, ui marmelade en pesto oor die ongeroosterde kant van die pitasirkel.
5.   Versprei die pikante rissies en spek eweredig oor al 4 pitasirkels.
6.   Strooi die orego en kaas bo-oor en geur na smaak.
Rooster net voor opdiening tot die kaas gesmelt en goudbruin is.
Sit dadelik voor met 'n lekker groen slaai.